Վահանակը ունիվերսալ է և նախատեսված է արևային ինվերտորը (փոխակերպիչը) միաժամանակ հաստատուն և փոփոխական հոսանքի ցանցերին միացնելու համար։
Վահանակի փոփոխական հոսանքի հատվածում տեղադրված են հետևյալ սարքերը․
1. Եռաֆազ հոսանքի մուտքը դեպի ինվերտոր անջատող-միացնող ապահովիչ-անջատիչ 63А (վահանակի ներքևի շարքի առաջին սարքը)․
2. Բազմաֆունկցիոնալ, կարգավորվող ցածր լարումից և բարձր լարումից պաշտպանող, ցանցը ավտոմատ անջատող և ցանցը ավտոմատ վերականգնող լարման ռելե։ Գերլարման և թերլարման դեպքում սարքը ավտոմատ անջատում է հոանքի մուտքը դեպի ինվերտոր (փոխակերպիչ) և ավտոմատ վերականգնում է միացումը, երբ էլեկտրական (քաղաքային) ցանցում լարումը կարգավորվում է։ Սարքի տվյալները և կարգավորման պարամետրերը հետևյալն են․
- լարումը ՝ AC 3 x 230V/400V,
- հաճախականությունը՝ 50/60Hz,
- առավելագույն հզորությունը՝ 63A,
- գերլարման պաշտպանության արժեքների միջակայքը՝ 230V~300, կարգավորելի,կանխադրված՝270V
- գերլարման վերականգնման արժեքների միջակայքը՝ 225V~295V (կանխադրված՝ 265V),
- գերլարման պաշտպանության գործողության ժամանակը՝ 0,1~30 վայրկյան (կանխադրված 1վ․),
- ցածր լարման պաշտպանության արժեքների միջակայքը՝ 140V~210V կարգավորելի (կանխադրված՝ 170V)
- ցածր լարման վերականգնման արժեքի միջակայք՝ 145V~215V (կանխադրված 175V)
- ցածր լարման պակասից պաշտպանության գործողության ժամանակը՝ 0,1~30 վայրկյան, կանխադրված՝ 1 վայրկյան
- ֆազային լարման անհավասարակշռության պաշտպանության արժեքը՝ 5-95 Վ, կարգավորվող , կանխադրված վիճակը՝ անջատված
- հետաձգման ժամանակը՝ կարգավորումից հետո՝ 1~500 վայրկյան, կանխադրված՝ 10 վրկ,
- վերականգնման հետաձգման ժամանակը՝ 1~500 վրկ,(կանխադրված՝ 30 վրկ։
3․ Ինվերտորը (փոխակերպիչը) ու ցանցը երկկողմանի պաշտպանող 3P 40A 400V~ 50HZ/60HZ Circuit breaker MCB C տիպի ապահովիչ-անջատիչ։
4․ SPD սարքը լարման կտրուկ նվազումից կամ բարձրացումից պաշտպանող 4P 40A 240V/415V Circuit breaker MCB C տիպի ապահովիչ-անջատիչ։
5․ Եռաֆազ ցանցում լարման կտրուկ բարձրացման, այդ թվում ՝ կայծակի ազդեցության դեպքում հողացման միջոցով ինվերտորը և ցանցին միացված սպառիչները պաշտպանող SPD սարք՝ 3P + N, 20KA ~ 40KA պարամետրերի
Փաստացի տեղադրված ապահովիչ-անջատիներով վահանակը կարող է ապահովել մինչև 27 կիլովատ հզորության ինվերտորի (փոխակերպչի) միացումը էլեկտրական (քաղաքային) ցանցի հետ։ Վահանակի 3-րդ և 4-րդ կետերում նշված ապահովիչները 16 ամպերանոց ապահովիչ-անջատիչներով փոխարինելու դեպքում վահանակը կապահովի 11 կիլովատ հզորության ինվերտորի (փոխակերպչի), իսկ 63 ամպերանոց ապահովիչ անջատիչներով փոխարինելու դեպքում ՝ մինչև 43 կիլովատ հզորության ինվերտորի աշխատանքը։
Վահանակի հաստատուն հոսանքի հատվածում տեղադրված են հետևյալ սարքերը.
1․ Արևային պանելներից հոսանքի մուտքը դեպի ինվերտոր ապահովող հաստատուն հոսանքի ապահովիչ-անջատիչներ, մեկական՝ արևային վահանակների հնարավոր երկու կոնտուրներից յուրաքանչյուրի համար։
2, Արևային վահանակներից լարման բարձրացման, այդ թվում կայծակի ազդեցության դեպքում հողանցման միջոցով ինվերտորը (փոխակերպիչը) պաշտպանող՝ հաստատուն հոսանքի SPD սարքեր , մեկական՝ արևային վահանակների հնարավոր երկու կոնտուրներից յուրաքանչյուրի համար։
Հաստատուն հոսանքի ապահովիչ անջատիչները կարող են փոխարինվել ինվերտորի պարամատրերին համապատասխանեցնելու նպատակով։ Փաստացի տեղադրված են 40А, 1000v ապահովիչ-անջատիչներ։ Եթե Ձեր ինվերտորը նախատեսված է արևային վահանակների 2-ից ավելի կոնտուրների հետ աշխատելու համար, վահանակում կարող են տեղադրվել հաստատուն հոսանքի լրացուցիչ ապահովիչ-անջատիչներ ու SPD սարքեր (լրացուցիչ վճարի դիմաց)։
Պատվերով արևային կայանի պանելները՝ ինվերտորին և ինվերտորը՝ էլեկտրական ցանցին միացման վահանակների հավաքում և տեղադրում։