էլեկտրական հաշվիչի և տեղադրված հոսանքի լարերի բեռնվածքի սահմանափակումների պայմաններում ավելի մեծ հզորության սարքեր միացնելու հնարավորության ունենալու համար օգտագործվում է բառնվածքի գերակայության ռելե (այսուհետ տեքստում՝ ԲԳՌ)։ ԲԳՌ տեղադրված լինելու դեպքում բեռնվածքը գերազանցվելիս տան ամբողջ հոսանքը չի անջատվում, այլ անջատվում են միայն ոչ կարևոր սարքերը։ Բացի այդ չեն վնասվում հաշվիչը կամ հոսանքի գծերը։ Մինչև ԲԳՌ-ի կիրառումը տեղադրված սարքերը բաժանվում են գերակա և ոչ գերակա սպառիչների։ Գերակայի դասվում այն սարքերը, որոնք ըստ օգտագործողի ցանկացած ժամանակ պետք է աշխատեն կամ պատրաստ լինեն աշխատելու։ Օրինակ՝ ցանկալի է, որ անկախ տանը տեղադրված այլ սարքերի միացված լինելու հանգամանքից տան լուսավորությունը աշխատի կամ պատրաստ լինի աշխատելու։ Նույն կերպ՝ գերակա պետք է դիտվի օրինակ՝ գազի կաթսան, ձմռանը՝ տաք հատակը։ Գերակա սարքերը միացվում են մեկ գծի, իսկ ոչ գերակա սարքերը մեկ, երկու և ավելի գծերի։ Երկու և ավելի գծեր կիրառելու դեպքում, յուրաքանչյուր հաջորդ գծում տեղադրվող սարքերի աշխատունակ լինելը պետք է ավելի պակաս կարևոր լինի քան նախորդ գծում տեղադրվող սարքերից։ Գործնականում կիրառվում են մեկ կամ երկու ոչ գերակա գծեր։ Գերակա և ոչ գերակա գծերը ուղղակի կամ անուղղակի կերպով միացվում են բառնվածքի գերակայության ռելեին։ ԲԳՌ-ն անընդհատ չափում է էլեկտրական գծի բեռնվածքը և այն գերազանցվելու դեպքում անջատում է տվյալ պահին միացված ոչ գերակա սարքերը կամ պակաս գերակա սարքերը, դրանով կանխարգելելով էլեկտրական հաշվիչի և տեղադրված հոսանքի լարերի համար ոչ թույլատրելի բեռնվածքի առաջացումը։ ԲԳՌ-ն նաև ավտոմատ միացնում է ոչ գերակա սարքերը, եթե տվյալ պահին ցանցի ընդհանուր բեռնվածքը չի գերազանցում դրա տեղադրված չափը։
Կարծում եմ, որ Հայաստանում դեռևս ԲԳՌ-ներ չեն կիրաառվում, քանի որ չեն ներմուծվում դրանց բարձր գնի պատճառով։ Օրինակ ABB ֆիրմայի LSS ½ բեռնվածքի գերակայության ռելեն հնարավոր է գնել այլ երկրում ինտերնետի միջոցով 230-250 ԱՄՆ դոլարով։ Կարելի է մոտավորապես հաշվարկել Հայաստանում դրա հնարավոր գինը և հետևություն կատարել , որ դրա ներմուծումը և նույնիսկ կիրառումը տնտեսապես շահավետ չէ։
Սակայն գերակայության ռելեի ֆունկցիան կարող են կատարել նաև որոշակի տիպի բազմաֆունկցիոնալ ռելեները կամ տարբեր ռելեների ու սարքերի միջոցով հավաքված սխեմաները Սխեմա հավաքվելու դեպքում այն ունենում է կարգավորման, բեռնվածքի մեծության ավելի մեծ հնարավորություններ, քան բեռնվածքի գերակայության արտադրվող ամենահայտնի ռելեները։
Առաջարկվող ռելեների կամ սխեմաներում տեղադրման ենթակա սարքերի ընդհանոր գինը անհամեմատ էժան է ռուսական, ուկրանիական կամ եվրոպական արտադրության ռելեներից։ ԲԳՌ-ների գները սկսվում է 12000 դրամից։ ԲԳՌ տեղադրման համար սարքերի պետք է ընտրվեն ելնելով կոնկրետ դեպքում սպառիչների հզորությունից՝ համամակարգի արժեքը նվազագույնի հասցնելու համար։
Առաջարկվող ռելեները յուրաքանչյուր դեպքում կարգավորման ենթակա են և կարող են անտեղյակ անձանց կողմից տեղադրվել , կարգավորվել ու օգտագործվել միայն համապատասխան ինֆորմացիա և խորհրդներ ստանալուց հետո։
Կարող եմ տեղադրել կամ վաճառել ԲԳՌ կամ պատվերով հավաքված սխեմա՝ անվճար խորհրդատվությամբ։