Պատրաստված է չժանգոտվող պողպատից։ Մուտքի ու ելքի խողովակի տրամագիծը ½ դույմ։ Տենի հզորությունը՝ 1,2ԿՎտ։ Արևային էներգիայով տնտեսման չափը կարգավորելու և տևական միացման ժամանակ ջրի գերտաքացման հնարավոր բարդություններից խուսափելու համար ջրատաքացուցիչը պետք է պարբերաբար միանա ու անջատվի ժամանակի ռելեի միջոցով։ Միացման-անջատման պարբերականությունը կարող եք կարգավորել ինքնուրույն՝ հաշվի առնելով գազով ջեռուցման համակարգի (կաթսայի) պոմպի աշխատանքի պարբերականությունը և այն, թե ինչքան եք ուզում արևային կայանից ստացված էներգիայի հաշվին կրճատել գազի ծախսը։ Իմաստ ունի տեղադրել այն դեպքում, երբ առկա է արևից ստացված էլեկտրական էներգիայի ավելցուկ։ Ջրատաքացուցիչը կարող եք տեղադրել ջեռուցման համակարգի ցանկացած տեղում՝ ռադիատորները միացնող ցանկացած (գնացող կամ հետ եկող ջրի) խողովակի վրա։ Տնտեսում տեղի է ունենում այն պատճառով, որ էլեկտրական տենի միջոցով ջրի տաքությունը բարձրացնելու արդյունքում գազի կաթսան միանում է ավելի քիչ տևողությամբ ու ցածր ինտենսիվությամբ։ Տեղադրելով ջրատաքացուցիչը շահում եք կրկնակի․ էլեկտրական ցանցին վաճառքի սակագնի համեմատ տնտեսում եք կրկնակի մեծության գումար, տնտեսումը տեղի է ունենում յուրաքանչյուր ամիս ու չեք սպասում, որ տարին լրանա, որ ստանաք էլեկտրական էներգիայի սականգնի կեսը։ Ջրատաքացուցիչի արժեքի մեջ չի մտնում ժամանակի ռելեի արժեքը։ Կարող եք ընտրել առաջարկվող ռելեներից մեկը։
TM630S ռելե - շաբաթվա բոլոր օրերի (7 օր), օրվա 24 ժամվա համար, օրվա ընթացում մինչև 28 անգամ միացում-անջատում կատարող և մինչև վարկյանի ճշտությամբ կարգավորումով 16А (մինչև 3,5 կվտ հզորության համար նախատեսված) ժամանակի ռելե, արժեքը՝ 7500 դրամ։
TM618S ռելե - շաբաթվա բոլոր օրերի (7 օր), օրվա 24 ժամվա համար մինչև 16 անգամ միացում-անջատում կատարող և մինչև վարկյանի ճշտությամբ կարգավորումով 16А (մինչև 3,5 կվտ հզորության համար նախատեսված) ժամանակի ռելե, արժեքը՝ 5000 դրամ։
Միացման և անջատման տևողությունը ժամերով, րոպեներով և վարկյաններով 0-ից 999 նիշի չափով կարգավորումով ցիկլիկ ռելե։ Միացման մուտքագրված տևողությամբ միացնում է իրեն միացված սարքը (ջրատաքացուցիչը) և անջատում՝ անջատման մուտքագրված տևողությամբ՝ այնուհետև անընդհատ կրկնում է այդ ցիկլը։ Աշխատում է անըդհատ,այսինքն նաև գիշերային ժամարին, որի ընթացքում տնտեսել չի ստացվի։ Ցիկլիկ ռելեն նախատեսված է մինչև 16А (մինչև 3,5 կվտ) հզորության սարքեր աշխատացնելու համար։ Ռելեի արժեքը՝ 5500 դրամ։