Margaryan Business Group-ը սկսում է իր նոր պրոյեկտի հավաքագրման աշխատանքները։
Միջերկրական խոհանոցի համն իր վառ տրամադրությամբ շուտով կլինի Հայաստանում․ դարձի՛ր նոր ու թարմ գաղափարի մի մասը։

Եվ այսպես, Azura ռեստորանը փնտրում է իր հմուտ մենեջերին։

Աշխատանքային պարտականություններ․
✔️ Ռեստորանի անցուդարձի կազմակերպում և վերահսկողություն,
✔️ Ռեստորանի անխափան աշխատանքի ապահովում,
✔️ Սպասարկման գործընթացի համակարգում, ստանդարտներին համապատասխան որակյալ սպասարկման ապահովում,
✔️ Ի հայտ եկած տեխնիկական խնդիրների լուծման գործընթացի կազմակերպում և համակարգում,
✔️ Սպասքի, պահանջվող գույքի և տեխնիկայի անհրաժեշտ քանակների ստանդարտների մշակում և յուրաքանչյուր ռեստորանում առկա քանակների` վերոնշյալ ստանդարտներին համապատասխանության վերահսկողություն,
✔️ Առաջացող ծրագրային խնդիրների արագ և ժամանակին լուծման համակարգում,
✔️ Համագործակցելով ՄՌԿ բաժնի հետ՝ ռեստորանների աշխատակիցների ընդունման, նշանակման, հանգստի և վերապատրաստման ուղարկման ու հեռացման կարգավորում,
✔️ Մասնակցություն մենյուների կազմման, նոր ուտեստների և մրցակցային վաճառքի գների առաջարկման աշխատանքներին,
✔️ Համագործակցելով մարքեթինգի բաժնի հետ՝ բիզնեսի առաջխաղացմանը նպաստող նոր առաջարկների ներկայացում,
✔️ Ռեստորանի օպերացիոն աշխատանքի և սպասարկման որակը բարձրացնելուն ուղղված թրեյնինգների առաջարկ և իրականացում,
✔️ Ռեստորանի վաճառքի բարձրացմանն ուղղված ռազմավարությունների առաջարկների ներկայացում և վերջիններիս իրականացման գործընթացի համակարգում,
✔️ Ամսական և տարեկան պլանավորման ներկայացում, քայլերի ձեռնարկում՝ ուղղված վերոնշյալ պլանների իրականացմանը,
✔️ Նոր ռեստորանների նախագծերի ստեղծման գործընթացների մասնակցություն, այդ նախագծերի իրականացման համակարգում։

Ներկայացվող պահանջներ․
✔️ Նվազագույնը 2 տարվա աշխատանքային փորձ,
✔️ Կառավարման և կազմակերպչական հմտություններ,
✔️ Պատասխանատվության բարձր զգացում,
✔️ Ճկունություն և արագ կողմնորոշվելու ունակություն,
✔️ Գերազանց հաղորդակցման հմտություններ,
✔️ Թիմում աշխատելու ունակություն,
✔️ Բարձրագույն կամ միջին մասնագիտական կրթություն,
✔️ Ռուսերենի և անգլերեն լեզուների գերազանց իմացություն,
✔️ Համակարգչային գիտելիքներ՝ MS Office (Word, Excel), Google package:

Շտապի՛ր դիմել՝ ուղարկելով ինքնակենսագրականդ (CV) [email protected] էլ, հասցեին` թեմա 'Subject' դաշտում անպայման նշելով պաշտոնի անվանումը /Ռեստորանի մենեջեր/: