Տուրի ուղղությունը –Երևան- Կոտայքի մարզ` Ծաղկաձոր – Գեղարքունիքի մարզ` Սևան- Երևան

Էլ.Փոստ`[email protected]
Մանրամասների համար զանգահարել նշված համարներով
Ցանկանում եք սիրահարվել Հայաստանին, հետազոտել նրա հնադարյան մշակույթի բոլոր գաղտնիքները և ձեռք բերել միջմշակութային երկխոսաության լավագույն փորձը, ապա միացեք մեր տուրերին։ Մայիսյան տոներից մինչ բերքառատ աշունը Հայաստանում տուրիստական սեզոնն իսկական եռուզեռի մեջ է: Հայաստանում էքսկուրսիաների ավելի լավ է մեկնել հենց այս ժամանակահատվածում` վայելելու երկրի արևն ու բնությունը:
Այս ուղևորությունը հնարավորություն է տալիս Ձեզ հանդիպելու տեղացիներին, վայելելու համեղ կերակուր, հիանալու աներևակայելի բազմազան լանդշաֆտների գեղեցկությամբ և զգալ լեռների ազատությունը և իշխանությունը։ Բոլոր տուրերի համար տրամադրվում են բարձրակարգ ավտոբուսներ և միկրոավտոբուսներ, տուրերը սպասարկվում են հմուտ էքսկուրսավարների կողմից: LINGVO LAND TRAVEL
ԺԱՄԵՐԻ ԵՎ ՕՐԵՐԻ ՄԱՍԻՆ ՏԵՂԵԿՈՒԹՅՈՒՆ ԿՍՏԱՆՔ ՊԱՏՎԵՐՆԵՐԻ ԺԱՄԱՆԱԿ:
ՄԱՏՉԵԼԻ ԳՆԵՐ ԱՆՄՈՌԱՆԱԼԻ ՀԱՆԳԻՍՏ
1.... Այցելություն Ծաղկաձոր ՛՛ Օրբելի եղբայրների տուն թանգարան
2.... Կեչառիսի վանական համալիր
3... Ճոպանուղի
4.....Սևանավանք/Սբ Առաքելոց եկեղեցի
5..... Համեղ ճաշ Սևանի բարիքներից պատրաստված

Ծաղկաձոր լեռնադահուկային քաղաքը զարմացնում է զբոսաշրջիկներին և հայրենակինցներին ոչ միայն ցնցող բնությամբ, տարբեր սպորտաձևերով զբաղվելու հնարավորությամբ և բազմաթիվ հանգստյան տներով ու հյուրանոցներով, այլև ճարտարապետական հուշարձաններով: Տարվա ցանկացած եղանակի Ծաղկաձորում կյանքը եռում է:

Այցելություն Ծաղկաձոր ՛՛ Օրբելի եղբայրների տուն թանգարան

Օրբելի եղբայրների տուն–թանգարանը բացվել է 1982թ. հուլիսի 6-ին երբ երկրի գիտական հասարակությունը նշում էր ակադեմիկոս Լևոն Օրբելու 100-ամյակը:
Թանգարանն ունի շուրջ 2000 մշակութային արժեքների հարուստ հավաքածու` գրքեր, ձեռագրեր, լուսանկարներ, անձնական իրեր, փաստաթղթեր, կենցաղային աոարկաներ: Թանգարանը ստեղծվել է աշխատակիցների ջանքերով և հատկապես Օրբելի եղբայրների հարազատների, բարեկամների, աշակերտների օժանդակությամբ, որոնք նվիրաբերել են թանգարանին նրանց վերաբերող բազմաթիվ նյութեր: Դրանք հիմնականում ձեոք են բերվել Ս.Պետերբուրգ քաղաքից:
Տուն-թանգարանի հիմնական ցուցադրությունը բաղկացած է երկու մասից` գիտական և հուշային: Սրահներում ժամանակագրական հերթականությամբ ներկայացված է Օրբելի եղբայրների կյանքի անցած ուղին` գիտական և հասարակական գործունեությունը:

Կեչառիսի վանական համալիր, Հայ Առաքելական Եկեղեցու Կոտայքի թեմի առաջնորդանիստ եկեղեցի Կոտայքի մարզի Ծաղկաձոր քաղաքի հյուսիս-արևմուտքում՝ կառուցված 11-13-րդ դարերում, միջնադարյան Հայաստանի նշանավոր կրոնական ու մշակութային կենտրոն։ Ընդգրկված է Ծաղկաձորի պատմության և մշակույթի անշարժ հուշարձանների ցանկում։
Կեչառիսում ապրել և գործել են ժամանակի խոշոր գիտնականներ ու քաղաքական գործիչներ՝ Գրիգոր Մագիստրոսը, Վասակ Խաղբակյանը, բանաստեղծ Խաչատուր Կեչառեցին և ուրիշներ։ Համալիրը գտնվում է Հրազդանի շրջանի Ծաղկաձոր ավանի հյուսիսարևմտյան մասում։
Բաղկացած է չորս եկեղեցիներից, գավթից և երկու մատուռից, որից գլխավորը՝ Սուրբ Գրիգոր Լուսավորիչ եկեղեցին, կառուցվել է 1033 թվականին Գրիգոր Մագիստրոսի կողմից, որի մասին վկայում է հարավային մուտքի վերևի արձանագրությունը։
Կեչառիսի վանքում են թաղված նաև սելջուկների դեմ մղված ճակատամարտում զոհված Ապիրատյան Գրիգոր իշխանը (1099), Մեծ իշխան Պռոշը (1284)։

Ծաղկաձորի ճոպանուղի, բազկաթոռային ճոպանուղի տուրիզմի և լեռնադահուկային սպորտի կենտրոն է: Ճոպանուղին ընկած է Թեղենիս լեռան արևելյան լանջին՝ ծովի մակարդակից 1966-2819 մետր բարձրության վրա:
Ծաղկաձորում ճոպանուղին գործում է 1967 թվականից: 2004-2007 թվականներին շվեյցարական-իտալական Լայտներ («LEITNER») ընկերությունը ճոպանուղին ամբողջությամբ փոխարինել է նոր, ժամանակակից ճոպանուղիով՝ զինված լավագույն տեխնիկայով ու սարքավորումներով՝ ակտիվ և ապահով հանգիստ ապահովելով զբոսաշրջիկների և լեռնադահուկային սպորտի սիրահարների համար: Կառուցվել են ճոպանուղու 5 կայաններ և շուրջ 30 կմ երկարությամբ սահուղիներ:
Կայաններ
Կայան Երկարություն Թողունակություն ժամում
1-ին կայան 1137 մետր 1200 մարդ
2-րդ կայան 1458 մետր 800 մարդ
3-րդ կայան 1624 մետր 800 մարդ
4-րդ կայան 926 մետր 800 մարդ

Գեղարքունիքի մարզ` Սևան
Սևանը Հայաստանի միակ լիճն է, որը դասվում է խոշոր լճերի շարքը:
Այն Հայկական լեռնաշխարհի 3 խոշոր լճերից է, որոնց հնում հայերը ծով էին անվանում (Սևանը ունեցել է Գեղամա ծով և Գեղարքունյաց ծով անունները): Այն ամենախոշոր լիճն է Կովկասում, ինչպես նաև աշխարհի քաղցրահամ ամենաբարձր մեծ լճերից է:
Սևանա լճի հայելու բացարձակ բարձրությունը մոտ 1897մ է, առավելագույն խորությունը՝ 80մ, մակերեսը՝ 1260ք.կմ, երկարությունը՝ 70կմ, առավելագույն լայնությունը՝ 55կմ, ծավալը՝ 58 մլրդ.խ.մ: Լճի մակերեսին, ջրի միջին ջերմաստիճանը ամռանը լինում է 18°-23°: Ձմռանը Սևանը մասամբ սառցակալում է:
Սևանավանք

Հայկական վանական համալիր Սևանի թերակղզու վրա, Գեղարքունիքի մարզ, Հայաստան։
Հիմնադրվել է 305 թ., երկու եկեղեցիները՝ 874 թ։ Սևանի վանքը գտնվում է Սևանի թերակղզում (նախկինում՝ կղզի), հիմնադրել է Գրիգոր Ա Լուսավորիչը 305 թ.-ին։ Կղզին բերդապարիսպով ամրացված է եղել դեռևս բրոնզի դարում։ Այստեղ եղել է հեթանոսական մեհյան։
Վերադարձ Երևան